عمر بھر کچھ خواب دل پر دستکیں دیتے رہے
ہم کہ مجبورِ وفا تھے آہٹیں سُنتے رہے
جب تخیل استعاروں میں ڈھلا تو شہر میں
دیر تک حسنِ بیاں کے تذکرے ہوتے رہے
دیپ یادوں کے جلے تو ایک بے چینی رہی
اتنی بے چینی کہ شب بھر کروٹیں لیتے رہے
ایک اُلجھن رات دن پلتی رہی دل میں کہ ہم
کس نگر کی خاک تھے کس دشت میں ٹھہرے رہے
ہم بقاؔ اک ریت کی چادر کو اوڑھے دیر تک
دشتِ ماضی کے سنہرے خواب میں کھوئے رہے
ہم کہ مجبورِ وفا تھے آہٹیں سُنتے رہے
جب تخیل استعاروں میں ڈھلا تو شہر میں
دیر تک حسنِ بیاں کے تذکرے ہوتے رہے
دیپ یادوں کے جلے تو ایک بے چینی رہی
اتنی بے چینی کہ شب بھر کروٹیں لیتے رہے
ایک اُلجھن رات دن پلتی رہی دل میں کہ ہم
کس نگر کی خاک تھے کس دشت میں ٹھہرے رہے
ہم بقاؔ اک ریت کی چادر کو اوڑھے دیر تک
دشتِ ماضی کے سنہرے خواب میں کھوئے رہے
No comments:
Post a Comment