Safar ki had hai wahan tak ke kuch nishan rahe

Safar ki had hai wahan tak ke kuch nishan rahe
Chale chalo ke jahan tak ye asman rahe

Ye kya uthaye qadam aur aa gaii manzil
Maza to jab hai ke pairon may kuch thakaan rahe

Wo shakhs mujh ko koi jalsaaz lagata hai
Tum us ko dost samajhate ho phir bhi dhyan rahe

Mujhe zameen ki geharaion ne daab liya
Main chahata tha mere sar pe asman rahe

Ab apane beech marasim nahin adawat hai
Magar ye baat hamare hi darmiyaan rahe

Magar sitaron ki faslen uga saka na koi
Meri zameen pe kitane hi asman rahe

Wo ek sawal hai phir us ka saamana hoga
Dua karo ke salamat meri zaban rahe

Koi Aisa Pal B Howa Kare

Koi Aisa Pal B Howa Kare
Mai Sonoo Or Wo Kaha Kare

Meri Fursatain Mere Mashghale
Sabhi Apne Likha Kare

Koi Baat Ho Kisi Sham Ki
Koi Zikar Ho Kisi Raat Ka

Jo Sunane Bethon Usse Kabhi
Wo Sune To Sun K Hansa Kare

Jo Main Kahon Chalo Us Nagar
Jahan Jougnoan Ka Hujoom Ho

Wo Palat K Dekhe Meri Taraf
Aur Mujko Pagal Kaha Kare

nishaane chook gaye sab, nishaan baaki hai

nishaane chook gaye sab, nishaan baaki hai

shikaar gah mein abhi khaali machaan baaki hai
ye aur baat ke ab khushbu-en nahin lekinhumaari taaq mein ek itr-daan baaki hai
wo bewaqoof zameen baat ke bahut khush haiusey kaho ke abhi aasmaan baaki hai
aur fir ek bachche ne laashon ke dher par chadh karyeh kah diya ke abhi khaandaan baaki hai

Yun na mil mujh se Khafaa ho jaise.....

yuu.N na mil mujh se Khafaa ho jaise
saath chal mauj-e-sabaa ho jaise

log yuu.N dekh kar ha.Ns dete hai.n
tuu mujhe bhuul gayaa ho jaise

ishq ko shirk kii had tak na ba.Daa
yuu.N na mil hamase Khudaa ho jaise

maut bhii aa_ii to is naaz ke saath
mujhape ehasaan kiyaa ho jaise

aise a.njaan bane baiThe ho
tum ko kuchh bhii na pataa ho jaise

hichakiyaa.N raat ko aatii hii rahii.n
tuu ne phir yaad kiyaa ho jaise

Hum bhi talwaar chalaney ka hunar jaantey hayn.....

Sulah karne ko bhi jeene ka hunar jaante hain
Warna hum jung ke maidaan ko ghar jaante hain

Ye alag baat ke pasti main padey hain warna
Chaand taaron ko toh hum raahguzar jaante hain

Koi aangan hai daricha hai na guldaan na phool
Log deewarein utth lene ko ghar jaante hain

Phool ki shaakh pe likh bhejo ke ae dushman e amn
Hum bhi talwaar chalaane ka hunar jaante hain

Mere Allah meri touba ko qaayam rakhna
Kuchh sharaabi hain jo ab bhi mera ghar jaante hain

....Incredible Rahat :)

Asar usko zara naheen hota

Asar usko zara naheen hota 
Ranj, raahat fiza naheen hota 

Tum hamare kisi tarah na hue
Warna dunya mein kia naheen hota

Narsa’ee se dam ruke to ruke
Mein kis se khafa naheen hota

Tum mere paas hote ho goya
Jab koi doosra naheen hota

Haal-e-dil yaar ko likhoon kiyun kar
Haath dil se juda naheen hota

Chaar-ae-dil siwa’e sabr naheen
So tumhare siwa naheen hota

Kiyun sune arz-e-muztar aey Momin
Sanam aakhir khuda naheen hota

The strong man is not the good wrestler; the strong man is only the one who controls himself when he is angry.

The strong man is not the good wrestler; the strong man is only the one who controls himself when he is angry.