Yun na mil mujh se Khafaa ho jaise.....

yuu.N na mil mujh se Khafaa ho jaise
saath chal mauj-e-sabaa ho jaise

log yuu.N dekh kar ha.Ns dete hai.n
tuu mujhe bhuul gayaa ho jaise

ishq ko shirk kii had tak na ba.Daa
yuu.N na mil hamase Khudaa ho jaise

maut bhii aa_ii to is naaz ke saath
mujhape ehasaan kiyaa ho jaise

aise a.njaan bane baiThe ho
tum ko kuchh bhii na pataa ho jaise

hichakiyaa.N raat ko aatii hii rahii.n
tuu ne phir yaad kiyaa ho jaise

Hum bhi talwaar chalaney ka hunar jaantey hayn.....

Sulah karne ko bhi jeene ka hunar jaante hain
Warna hum jung ke maidaan ko ghar jaante hain

Ye alag baat ke pasti main padey hain warna
Chaand taaron ko toh hum raahguzar jaante hain

Koi aangan hai daricha hai na guldaan na phool
Log deewarein utth lene ko ghar jaante hain

Phool ki shaakh pe likh bhejo ke ae dushman e amn
Hum bhi talwaar chalaane ka hunar jaante hain

Mere Allah meri touba ko qaayam rakhna
Kuchh sharaabi hain jo ab bhi mera ghar jaante hain

....Incredible Rahat :)

Asar usko zara naheen hota

Asar usko zara naheen hota 
Ranj, raahat fiza naheen hota 

Tum hamare kisi tarah na hue
Warna dunya mein kia naheen hota

Narsa’ee se dam ruke to ruke
Mein kis se khafa naheen hota

Tum mere paas hote ho goya
Jab koi doosra naheen hota

Haal-e-dil yaar ko likhoon kiyun kar
Haath dil se juda naheen hota

Chaar-ae-dil siwa’e sabr naheen
So tumhare siwa naheen hota

Kiyun sune arz-e-muztar aey Momin
Sanam aakhir khuda naheen hota

The strong man is not the good wrestler; the strong man is only the one who controls himself when he is angry.

The strong man is not the good wrestler; the strong man is only the one who controls himself when he is angry.

sharik_a_jaan sharik_a_jang ho jaa

sharik_a_jaan sharik_a_jang ho jaa
mai sheesha ho gaya tu sang ho jaa

utar bhi aa kabhi uchaiyon se
tamashe dekh le aur dang ho jaa

tere phelav me tera ziya hai
meri maane to thoda tang ho jaa

zamine lal hoti ja rahi hain
jo ye hai rang to berang ho jaa

mujhe milti hai manzil har kadam par
bhatakta hai to mere sang ho jaa

wafa mizan hain wo dono aankhen'
samender aa kabhi pasang ho jaa

kalander hum alag hi rang ke hain
Kisi din milke rang aa rang ho ja

Jehalaton k andherey mita k laut aya

Jehalaton k andherey mita k laut aya
Main aaaj saari kitabain jala k laut aya

Wo ab bhi rail main baithi sisak rahi hogi
Main apna hath hawa mian hila k laut aya

Badan tha jaisey kahin machliyan thirakti hon
wo behta dariya tha main bhi naha k laut aya

thakan ko odh kar bistar me jaake let gaye

thakan ko odh kar bistar me jaake let gaye
hum apni kabr-e-mukarrar me jake let gaye

tamam umr hum ek dusrey sey larte rahey
magar marey to barabar me jake let gaye

hamari tashna nasibi ka haal mat pucho
wo pyaas thi k samundar me jaake let gaye

na janey kaisi thakan thi kabhi nahin utri
chaley jo ghar sey to daftar me jake let gaye

ye bewakoof unhey maut sey darate hain
jo khud hi saya-e-khanjar me jake let gaye

tamam ur jo nikley na they haweli sey
wo ek gumbad-e-bedar me jake let gaye

sajaye phirte they jhuthi ana ko chehrey par
wo log kasr-e-sikandar me jake let gaye...