Aayna dekh apna sa mon lay kay reh gayay

Aayna dekh apna sa mon lay kay reh gayay
sahib ko dil na denay pe kitna guroor tha

Qasid ki apnay haath say gardan na maryay
us ki khata nahi ye mera qusoor tha.....

Aah Ko Chahiye Ik Umr Asar Hone Tak

Aah Ko Chahiye Ik Umr Asar Hone Tak

Kon Jeeta Hai Teri Zulf K Sar Hone Tak

Ashiqi Sabr-Talab, Aur Tamanna Betab

Dil Ka Kya Rang Karun Khun-e-Jigar Hone Tak

Hum Ne Mana K Tagahful Na Karoge, Lekin

Khak Ho Jayenge Ham Tum Ko Khabar Hone Tak

Gham-e-Hasti Ka, 'Asad' ! Kis Say Ho Juzz-Marg, Ilaaj

Shama Har Rang Mein Jalti Hai Sahar Hone Tak !

Dukh Day Kar Sawaal Kartay ho,

Dukh Day Kar Sawaal Kartay ho,
Tum Bhe Ghalib ! Kamaal Kartay ho..

Daikh Kar Pooch Liyaa haal meraa,
Chalo Kuch tou Khayaal Kartay ho..

Shehar -e- Dil may Ye Udaasiyaan Kaisi ??
Ye Bhe mujh say Sawaal Kartay ho ???

Marnaa Chaahain tou mar nahe Saktay,
tum Bhe Jeenaa muhaal Kartay ho..

ab Kiss Kiss Ki misaal Doon tum Ko ?
her Sitam Bay-misaal Kartay ho . . .

Tootey hain sheesha dil haye itne k ehl e dard

Tootey hain sheesha dil haye itne k ehl e dard
Rakhtey hain paon khaak per sau baar dekh ker.....

Yeh Hum Jo Hijr Mai Deewar-O-Dar Ko Dekhte Hain

Yeh Hum Jo Hijr Mai Deewar-O-Dar Ko Dekhte Hain
Kabhi Saba Ko Kabhi Nama’bar Ko Dekhte Hain

Wo Aaen Ghar Mai Hamare Khuda Ki Qudrat Hai
Kabhi Hum Un Ko Kabhi Apne Ghar Ko Dekhte Hain

Nazar Lage Na Kahin Us Ke Dast-O-Zaboo Ko
Yeh Log Kiyu Mere Zakhm-E-Jigar Ko Dekhte Hain

Tere Jawahir-E-Taraf-E-Kala Ko Kiya Dekhen
Hum Uuj-E-Talaa-E-Laal-O-Gohar Ko Dekhte Hain...

zikr us parivash ka, aur phir bayaan apna

zikr us parivash ka, aur phir bayaan apna
ban gaya raqeeb aaKhir tha jo raazdaan apna

mai woh kion buhat peete bazm-e-Ghair mein ya rab
aaj hi huwa manzoor un ko imtihaan apna

manzar ik bulandi par aur ham bana sakte
arsh se idhar hota kaash ke makaan apna

de woh qadar zillat ham hansi mein talain gay
baaray aashna nikalaa un ka pasbaan apna

dard-e-dil likhon kab tak? Jaon un ko dikhla duun
ungliyan figaar apni Khaama Khuun_chakaan apna

ghiste ghiste mit jata aap ne abas badla
nang-e-sajda se mere sang-e-aastaan apna

taa kare na Ghamazi, kar liya hai dushman ko
dost ki shikaayat mein hum ne hum-zubaan apna

ham kahan ke daana thay, kis hunar mein yaktaa thay
be_sabab huwa 'Ghalib' dushman aasmaan apna..

Un k dekhe se aa jati hai jo munh pe ronak

Un k dekhe se aa jati hai jo munh pe ronak
Woh samajhte hain k beemar ka haal acha hai

Dekhiye patey hain ushaaq butoon se kya faiz
Ik brahman ne kaha hai yeh saal acha hai

Hum ko maloom hai jannat ki haqeeqat lekin
Dil k khush rakhne ko Ghalib ye khayal acha hai .....

Bas-Ke Dushwaar Hai Har Kaam Ka Aasaa'n Hona

Bas-Ke Dushwaar Hai Har Kaam Ka Aasaa'n Hona
Aadmii Ko Bhi Muyassar Nahi'n Insaa'n Hona 

Ye jo hum hijr mein divar-o-dar ko dekhte hain

Ye jo hum hijr mein divar-o-dar ko dekhte hain
kabhi saba ko kabhi namabar ko dekhte hain
wo aaye ghar mein hamare khuda ke kudarat hai
kabhi hum un ko kabhi apne ghar ko dekhte hain
nazar lage na kaheen usake dast-o-bazu ko
ye log kyon mere zakhm-e-jigar ko dekhte hain
tere javahir-e-tarf-e-kulah ko kya dekhen
hum auj-e-tala-e-lal-o-guhar ko dekhte hain

apane har har lafz kaa Khud aa_iinaa ho jaa_uu.Ngaa

apane har har lafz kaa Khud aa_iinaa ho jaa_uu.Ngaa
us ko chhoTaa kah ke mai.n kaise ba.Daa ho jaa_uu.Ngaa

tum giraane me.n lage the tum ne sochaa hii nahii.n
mai.n giraa to masalaa ban kar kha.Da ho jaa_uu.Ngaa

mujh ko chalane do akelaa hai abhii meraa safar
raastaa rokaa gayaa to qaafilaa ho jaa_uu.Ngaa

saarii duniyaa kii nazar me.n hai meraa ahad-e-vafaa
ek tere kahane se kyaa mai.n bevafaa ho jaa_uu.Ngaa

mai.n apane Khvaab se bichha.Daa nazar nahii.n aataa

mai.n apane Khvaab se bichha.Daa nazar nahii.n aataa
tuu is sadii me.n akelaa nazar nahii.n aataa

ajab dabaav hai in bahrii havaao.n kaa
gharo.n kaa bojh bhii uThataa nazar nahii.n aataa

mai.n ek sadaa pe hameshaa ko ghar chho.D aayaa thaa
magar pukaarane vaalaa nazar nahii.n aataa

mai.n terii raah se haTane ko haT gayaa lekin
mujh to ko_ii bhii rastaa nazar nahii.n aataa

dhuaa.N bharaa hai yahaa.N sabhii kii aa.Nkho.n me.n
kisii ko ghar meraa jalataa nazar nahii.n aataa

apane chehare se jo zaahir hai chhupaaye.n kaise

apane chehare se jo zaahir hai chhupaaye.n kaise
terii marzii ki mutaabik nazar aaye.n kaise

ghar sajaane kaa tassavur to bahut baad kaa hai
pahale ye tay ho ki is ghar ko bachaaye.n kaise

qah-qahaa aa.Nkh kii barataav badal detaa hai
ha.Nsanevaale tujhe aa.Nsuu nazar aaye.n kaise

ko_ii apanii hii nazar se to hame.n dekhegaa
ek qatare ko samundar nazar aaye.n kaise

peshaaniyon pe likhe muqaddar nahii.n mile

peshaaniyon pe likhe muqaddar nahii.n mile
dastaar kahaaN milenge jahaaN sar nahii.

aavaaragii ko Duubate suuraj se rabt hai
maGrib ke baad ham bhii to ghar par nahiin mile

kal aaiinon kaa jashn huaa thaa tamaam raat
andhe tamaash_biinon ko patthar nahiin mile

main chaahataa thaa Khud se mulaaqaat ho magar
aaine mere qad ke baraabar nahiin mile

pardes jaa rahe ho to sab dekhate chalo
mumkin hai vaapas aao to ye ghar nahiin mile

aaNkh pyaasii hai koii manzar de

aaNkh pyaasii hai koii manzar de
is jaziire ko bhii samandar de

apanaa cheharaa talaash karanaa hai
gar nahii.n aainaa to patthar de

band kaliyo.n ko chaahiye shabanam
in chiraaGon me.n roshanii bhar de

pattharo.n ke saro.n se karz utaar
is sadii ko koii payambar de

kah_kahon men guzar rahii hai hayaat
ab kisii din udaas bhii kar de

phir na kahanaa ke Khud_Khushii hai gunaah
aaj fursat hai faisalaa kar de