Meri fitrat mein hi nanhi apna ghum bayaan karna,

Meri fitrat mein hi nanhi apna ghum bayaan karna.........
tere wajood ka hissa hoon to mehsoos kar takleef meri.

Mujh Se Mat Kah, Tu Humein Kahta Tha Apni Zindgi

Mujh Se Mat Kah, Tu Humein Kahta Tha Apni Zindgi
Zindgi Se Bhi Mera Jii In Dino'n Be-zaar Hai

din ko bhi yahaaN shab ki siyaahi kaa samaaN hai

din ko bhi yahaaN shab ki siyaahi kaa samaaN hai
kahte haiN yeh aaraam-gah-e-Noor JahaaN hai
muddat hui woh shamma tah-e-Khaak-i-nihaaN hai
uThtaa magar ab tak sar-e-marqad se dhu'aaN hai

jalvoN se ayaaN jin ke hua toor kaa aalam
turbat peh hai un ki shab-i-daijoor kaa aalam

.....

ai Husn-i-jahaaN-soz, kahaaN haiN woh sharaare
kis baaGh ke gul ho gaye kis arsh ke taare
kyaa ban gaye ab kirmak-e-shab-taab woh saare
har shaam chamakte haiN jo raavi ke kinaare

yaa ho gaye woh daaGh JahaaNgir ke dil ke
qaabil hi to the aashiq-e-dilgeer ke dil ke

.....

taaveez-e-lahad hai zabar-o-zer yeh andher
yeh daur-i-zamaanah ke ulaT-pher, yeh andher
aaNgan meN paRe gard ke haiN Dher, yeh andher
ai gardish-e-ayyaam, yeh andher yeh andher

maah-e-falak-e-Husn ko yeh burj milaa hai
aye charKh teri hech-navaazi kaa gilaa hai

.....

Hasrat hai Tapakti dar-o-deevaar se kyaa kyaa
hotaa hai asar dil peh in aasaar se kyaa kyaa
naale haiN nikalte dil-e-afgaar se kyaa kyaa
uThte haiN sharar aah-e-sharar-baar se kyaa kyaa

hai aalam-e-tanhaai yeh daryaa kaa kinaarah
hai tujh si haseenah ke liye huu kaa nazaarah

.....

chau-paaye jo ghabraate haiN garmi se to aksar
aaraam liyaa karte haiN is rauze meiN aa kar
aur shaam ko baalaai siyah-KhaanoN se shappar
uR-uR ke lagaagte haiN dar-o-baam peh chakkar

maamur hai yuN mehfil-e-jaanaaN nah kisi ki
aabaad rahe gor-i-GharibaaN nah kisi ki

.....

aaraastah jin ke liye gul-zaar-o-chaman the
jo naazuki meiN daaGh-dih-e-barg-e-saman the
jo gul-ruKh-o-gul-pairahan-o-Ghunchah-dahan the
shaadaab gul-e-tar se kahiN jin ke badan the

paZmurdah woh gul dab ke hue Khaak ke neeche
Khvaabeedah haiN Khaar-o-Khas-o-Khaashaak ke neeche

.....

rahne ke liye deedah-o-dil jin ke makaaN the
jo paikar-e-hasti ke liye rooH-i-ravaaN the
mehboob-e-dil-e-Khalq the, jaaN-baKhsh-e-jahaaN the
the Yusuf-e-saani keh Masihaa-e-zamaaN the

jo kuchh the kabhi the magar ab kuchh bhi nahiN haiN
TooTe hue pinjar se paRe zer-i-zamiN haiN

.....

dunyaa kaa yeh anjaam hai dekh aye dil-e-naadaaN
haaN bhool nah jaaye tujhe yeh madfan-e-veeraaN
baaqi haiN nah woh baaGh nah woh qasr nah aaivaaN
aaraam ke asbaab nah woh aish ke saamaaN

TooTaa hua ek saaHil-e-raavi peh makaaN hai
din ko bhi jahaaN shab ki siyaahi kaa samaaN hai

Munshi Tilok Chand Mehroom

Kehin kya jo puche koi ham se Meer ?

Kehin kya jo puche koi ham se Meer ?
Jahaan mein tum aaye the.... Kya kr chale?

Us Ka Ishq Chand Jaisa Tha..

Us Ka Ishq Chand Jaisa Tha..
Poora Hua To Ghatne Laga...!!

Hazaaron khwahishen aisi ke har khwahish pe dam nikle

Hazaaron khwahishen aisi ke har khwahish pe dam nikle
Bohat niklay mere armaan, lekin phir bhi kam nikle

Daray kyon mera qaatil? kya rahega us ki gardan par?
Voh khoon, jo chashm-e-tar se umr bhar yoon dam-ba-dam nikle

Daray kyon mera qaatil? kya rahega us ki gardan par?
Voh khoon, jo chashm-e-tar se umr bhar yoon dam-ba-dam nikle

Nikalna khuld se aadam ka soonte aaye hain lekin
Bahot be-aabru hokar tere kooche se hum nikle

Bharam khul jaaye zaalim! teri qaamat ki daraazi ka
Agar is tarahe par pech-o-kham ka pech-o-kham nikle

Magar likhvaaye koi usko khat, to hum se likhvaaye
Hui subaha, aur ghar se kaan par rakh kar qalam nikle

Hui is daur mein mansoob mujh se baada aashaami
Phir aaya voh zamaana, jo jahaan mein jaam-e-jaam nikle

Hui jin se tavaqqa khastagi ki daad paane ki
Voh ham se bhi zyaada khasta e tegh e sitam nikle

Mohabbat mein nahin hai farq jeenay aur marnay ka
Usi ko dekh kar jeetay hain, jis kaafir pe dam nikle

Zara kar jor seene par ki teer-e-pursitam niklejo
Wo nikle to dil nikle, jo dil nikle to dam nikle

Khuda ke waaste parda na kaabe se uthaa zaalim
Kaheen aisa na ho yaan bhi wahi kaafir sanam nikle

Kahaan maikhane ka darwaaza Ghalib aur kahaan vaaiz
Par itna jaantay hain kal voh jaata tha ke ham nikle

Hazaaron khwahishen aisi ke har khwahish pe dam nikle
Bohat niklay mere armaan, lekin phir bhi kam nikle...

Phir sy ankhoon mein khwab "Insha" g???

Phir sy ankhoon mein khwab "Insha" g???

Ijtanab,ijtanab,ijtanab "Insha" g..!!!