Qareeb Aa K Bohat Door Ho Gya Wo Shakhs,

Qareeb Aa K Bohat Door Ho Gya Wo Shakhs,
Na Janay Konsi Duniya Main Kho Gya Wo Shakhs..

Khayal-O-Khuwab Ki Tabeer Mujhy Samjha Kar,
Meri Hi Zaat Main Mujh Ko Dubo Gya Wo Shakhs..

Main Apny Hijar Ki Raaton Main Rang Kesay Bharoon,
Mujhy Jaga Kar Sar-E-Sham So Gya Wo Shakhs...

Aabla paa is dasth mein koi ayaa ho ga

Aabla paa is dasth mein koi ayaa ho ga
Warna andhee mein diya kis ney jalaya ho ga

Zarey zarey mein jurrey hon gay kawarey sajdey
Ik ik buth ko khuda uss ney banya ho ga

Pyaas jalthey howey kanthoo'n kee bujhaee ho gee
Risthey paanee ko hatheli pey sajaya ho ga

Mil gaya ho ga agar koi sunehra pathar
Apne thootha howa dil yaad thou aya ho ga

Khoon k cheenthey kahee'n pooch na lein lehroo'n sey
Kis ney weeraney ko gulzaar banaya ho ga !!!!

Ajeeb wehshat taari hai mujh per tere bin

Ajeeb wehshat taari hai mujh per tere bin,
Ke saans lena bhaari hai mujh pe tere bin,

Na jee saken na mar hi saken judaayi mein,
Yeh zulm kesa jaari hai mujh pe tere bin,

Na kuch dikhayi deta hai na soojjhay kuch,
Andher duniya saari hai mujh pe tere bin,

Ke chorr ker jis din se gaye ho tum mujhe,
Shadeed aah-o-zaari hai mujh pe tere bin,

Main bhool betha hoon apne aap ko jana,
Teri ajaara-daari hai mujh pe tere bin,

Sadaa guzaaron kese bahaar ke din mein,
Yeh zarb yeh bhi kaari hai mujh pe tere bin..

Puraane shaharo.n ke manzar nikalne lagte hai.n,

Puraane shaharo.n ke manzar nikalne lagte hai.n,
Zamee.n jahaa.n bhi khule ghar nikalne lagte hai.n.....

Mai kholtaa hoo.n sadaf, motiyo.n ke chakkar mai,
Magar yahaa.n bhi samunder nikalne lagte hai.n.....

To naakhuno ke hunar se nikaaliye sona,
Agar kudaal se patthar nikalne lagte hai.n.....

Bulandiyo.n ka tasavvur bhi khoob hota hai,
Kabhi kabhi to mere par nikalne lagte hai.n.....

Haseen lagtey hai.n jaado.n mai subah ke manzar,
Sitaare dhoop pehan kar nikalne lagte hai.n......

Burey dino se bachaana mujhe mere maula,
Kareebi dost bhi bach kar nikalne lagte hai.n

cheharon kii dhuup aankhon kii geharaa_ii le gayaa

cheharon kii dhuup aankhon kii geharaa_ii le gayaa
aa_iinaa saare shahar kii biinaa_ii le gayaa

Dube huye jahaaz pe kyaa tabsaraa karen
ye haadasaa to soch kii geharaa_ii le gayaa

haalaanki bezubaan thaa lekin ajiib thaa
jo shaKhs mujh se chhiin ke goyaa_ii le gayaa

is vaqt to main ghar se nikalane na paa_uungaa
bas ek kamiiz thii jo meraa bhaa_ii le gayaa

jhuute qasiide likhe gaye us kii shaan men
jo motiyon se chhiin ke sachchaa_ii le gayaa

yaadon kii ek bhiid mere saath chhod kar
kyaa jaane vo kahaan merii tanhaa_ii le gayaa

ab  tumhaare liye kuchh nahiin rahaa
galiyon ke saare sang to saudaa_ii le gayaa

ab to Khud apanii saansen bhii lagatii hain bojh sii
umron kaa dev saarii tavanaa_ii le gayaa

Andar ka zehar choom liya, dhul ke aa gaye,

Andar ka zehar choom liya, dhul ke aa gaye,
Kitne sharif log thhe sab khul ke aa gaye......

Suraj se jung jeetney nikale thhe bevakuf,
saare sipahi mom ke thhe ghul ke aa gaye.....

Masjid mai dur dur koi dusraa na thha,
Hum aaj apne aapse mil jul ke aa gaye....

Neendo se jung hoti rahegi tamaam umra,
aankho mai band khwaab agar khul ke aa gaye....

Suraj ne apni shakl bhi dekhi thi pehli baar,
Aaine ko maze bhi mukaabil ke aa gaye...

Anjaane saaye firne lage hai.n idhar udhar,
Mausam hamare shahar mai kaabul ke aa gaye....

Mere hujre mei nahi aur kahi par rakh do ,

Mere hujre mei nahi aur kahi par rakh do ,
Aasman laaye ho le aao zameen par rakh do..
Ab kaha dhoondne jaaoge hamare qatil ,
Aap to qatl ka ilzam hamin par rakh do..