Muddat howi hay yaar ko mehmaan kiye howy...
Josh-e-qadah sy bazm-e-charaghan kiye howy
.
Karta hon jama phir jigar-e-lakhat lakhat ko......
Arsa howa hay dawat-e-mizgaan kiye howy....
.
Phir waza-e-ehtiyaat sy ruknay laga hay dam....
Barsoon howy hein chaak giraibaan kiye howy
.
Phir garam nala haaye shar'r baar hay nafas.....
Muddat howi hay sair-e-charaghan kiye howy
.
Phir pursish-e-jarahat-e-dil ko chala hay ishaq......
Samaan-e-sad-hazaar namak-daan kiye howy
.
Phir bhar raha hay khama-e-mizgaan ba-khoon-e-dil....
Saaz-e-chaman taraazi-e-damaan kiye howy......
.
Ba-ham digar howy hein dil-o-deeda phir raqeeb.....
Nazara-o-khayal ka samaan kiye howy...
.
Dil phi tawaaf-e-koo-e-malamat ko jaaye hay....
Pindaar ka sanam -kdah veeran kiye howy
.
Phir shoq kar raha hay kharidaar ki talab...
Arz-e-mata-e-aql-o-dil-o-jaan kiye howy
.
Dhoonday hay phir har aik gul-o-lala pur-khayal....
Sad-gulsitaan nigaah ka samaan kiye howy
.
Phir chahta hon namaa-e-dildaar kholna....
Jaan nazr-e-dil-fraibi-e-unwaan kiye howy.
.
Maangay hay phir kisi ko lab-e-baam par hawas.....
Zulf-e-siyaah rukh pay pareshaan kiye howy
.
Chahay hay phir kisi ko maqabil mein aarzoo....
Surmay say taiz dashna-e-mizgaan kiye howy
.
Ik no-bahaar-e-naaz ko taakay hay phir nigaah.....
Chehra farogh-e-ma'y say gulistaan kiye howy
.
Phir jee mein hay k dar pay kisi k paray rahein....
Sar zair-e-baar-e-minnat-e-darbaan kiye howy
.
Jee dhoondta hay phir wohi fursat k raat din....
Baithay rahein tasaw'ur-e-janaan kiye howy
.
"GHALIB" hamy na chair k phir josh-e-ashak say....
Baithay hein ham tahayya-e-toofaan kiye howy......
.
By:- Mirza Asad-ullah Khan GHALIB....
