Haqsh fariyadi hai kis ki shookhi-e-theree ka?

Haqsh fariyadi hai kis ki shookhi-e-theree ka?
Kaghzi hai perahan har paikar-e-tasweer ka

Kaw'kawe sakht jani, haye tanhai na pooch
Subah karna sham ka lana hai ju-e-sheer ka

Jazba be-ikhtyar-e-shauq dekha chahiye
Sena-e-shamshir se bahar hai dum shamshir ka

Aagahi dam-e-shunidun jis qadar chahe bichaye
Mud'aa anqa hai apnay aalam-e-taqreer ka

Bas k hun Ghalib seeri mein bhi aatish-e-zair'pa
Moo-e-aatish deeda hai halqa meri zanjeer ka

Mirza Asadullah Khan Ghalib

huee muddat keh Ghalib marr gaya, parr yaad aata hai...
woh har ik bat pae kehna, keh yoon hota, to kiya hota....

...

With regard to excellence, it is not enough to know, but we must try to have and use it.

Purane daanv par har din naye aansoo lagata hai

Purane daanv par har din naye aansoo lagata hai
Wo ab bhi ek phate rumaal par khushbu lagata hai
Main kali raat ke tezaab se suraj banata hun
Meri chaadar main ye pevand ek jugnu lagata hai
Usey kehdo ki ye unchaaiyan mushkil se milti hain
Wo suraj ke safar main mom ke bazoo lagata hai
Namaz e mustakil pehchan ban jati hai chehron ki
Tilak jis tarah maathe par koi Hindu lagata hai
Yahan lachhman ki rekha hai na sita hai magar phir bhi
Bahut phere hamare ghar ke ek saadhu lagata hai
Andhere aur ujaale main ye samjhota zaroori hai
Nishana hum lagate hai thikana tu lagata hai
Na jaane ye anokha farq usme kis tarah aaya
Wo ab kaalar main phoolon ki jagah bichhu lagata hai

shahar me.n Dhuu.ND rahaa huuN ke sahaaraa de de

shahar me.n Dhuu.ND rahaa huuN ke sahaaraa de de

ko_ii haatim jo mere haath me.n kaasaa de de

pe.D sab nange faqiiro.n kii tarah sahame hai.n

kis se ummiid ye kii jaaye ki saayaa de de

vaqt kii sangzanii noch gaii saare naqush

ab vo aaiinaa kahaa.N jo meraa cheharaa de de

dushmano.n kii bhii koii baat to sach ho jaaye

aa mere dost kisii din mujhe dhokaa de de

mai.n bahut jald hii ghar lauT ke aa jaaungaa

merii tanhaaii yahaaN kuchh dinon peharaa de de

Duub jaanaa hii muqadar hai to behatar varanaa

tuune patavaar jo chhiinii hai to tinkaa de de

jis ne qataron kaa bhii mohataaj kiyaa mujh ko

vo agar josh men aa jaaye to dariyaa de de

tum ko "Rahat" kii tabiiyat kaa nahiin andaazaa

vo bikhaarii hai magar maa.Ngo to duniyaa de de

masjido.n ke sahan tak jaanaa bahut dushvaar thaa

masjido.n ke sahan tak jaanaa bahut dushvaar thaa

der se nikalaa to mere raaste men daar thaa

apane hii phailaao ke nashe me.n khoyaa thaa daraKht

aur har masuum Tahanii par phalon kaa baar thaa

dekhate hii dekhate shaharo.n kii raunaq ban gayaa

kal yahii cheharaa thaa jo har aaiine pe baar thaa

sab ke dukh suKh us ke chehare pe likhe paaye gaye

aadamii kyaa thaa hamaare shahar kaa aKhabaar thaa

ab mohalle bhar ke daravaazo.n pe dastak hai nasiib

ek zamaanaa thaa ke jab mai.n bhii bahut Khuddaar thaa

kaaGazon kii sab siyaahii baarishon men dhul gaii

ham ne jo sochaa tere baare me.n sab bekaar thaa

cheharon kii dhuup aaNkho.n kii geharaa_ii le gayaa

cheharon kii dhuup aaNkho.n kii geharaa_ii le gayaa

aaiinaa saare shahar kii biinaai le gayaa

Dube huye jahaaz pe kyaa tabsaraa karen

ye haadasaa to soch kii geharaaii le gayaa

haalaaNki bezubaan thaa lekin ajiib thaa

jo shaKhs mujh se chhiin ke goyaaii le gayaa

is vaqt to main ghar se nikalane na paauuNgaa

bas ek kamiiz thii jo meraa bhaaii le gayaa

jhuuTe qasiide likhe gaye us kii shaan me.n

jo motiyon se chhiin ke sachchaai le gayaa

yaadon kii ek bhiiD mere saath chhoD kar

kyaa jaane vo kahaa.N merii tanhaaii le gayaa

ab asad tumhaare liye kuchh nahii.n rahaa

galiyon ke saare sang to saudaaii le gayaa

ab to Khud apanii saaNse.n bhii lagatii hain bojh sii

umron kaa dev saarii tavanaaii le gayaa