masjido.n ke sahan tak jaanaa bahut dushvaar thaa

masjido.n ke sahan tak jaanaa bahut dushvaar thaa

der se nikalaa to mere raaste men daar thaa

apane hii phailaao ke nashe me.n khoyaa thaa daraKht

aur har masuum Tahanii par phalon kaa baar thaa

dekhate hii dekhate shaharo.n kii raunaq ban gayaa

kal yahii cheharaa thaa jo har aaiine pe baar thaa

sab ke dukh suKh us ke chehare pe likhe paaye gaye

aadamii kyaa thaa hamaare shahar kaa aKhabaar thaa

ab mohalle bhar ke daravaazo.n pe dastak hai nasiib

ek zamaanaa thaa ke jab mai.n bhii bahut Khuddaar thaa

kaaGazon kii sab siyaahii baarishon men dhul gaii

ham ne jo sochaa tere baare me.n sab bekaar thaa

cheharon kii dhuup aaNkho.n kii geharaa_ii le gayaa

cheharon kii dhuup aaNkho.n kii geharaa_ii le gayaa

aaiinaa saare shahar kii biinaai le gayaa

Dube huye jahaaz pe kyaa tabsaraa karen

ye haadasaa to soch kii geharaaii le gayaa

haalaaNki bezubaan thaa lekin ajiib thaa

jo shaKhs mujh se chhiin ke goyaaii le gayaa

is vaqt to main ghar se nikalane na paauuNgaa

bas ek kamiiz thii jo meraa bhaaii le gayaa

jhuuTe qasiide likhe gaye us kii shaan me.n

jo motiyon se chhiin ke sachchaai le gayaa

yaadon kii ek bhiiD mere saath chhoD kar

kyaa jaane vo kahaa.N merii tanhaaii le gayaa

ab asad tumhaare liye kuchh nahii.n rahaa

galiyon ke saare sang to saudaaii le gayaa

ab to Khud apanii saaNse.n bhii lagatii hain bojh sii

umron kaa dev saarii tavanaaii le gayaa

aaNkh pyaasii hai koii manzar de

aaNkh pyaasii hai koii manzar de

is jaziire ko bhii samandar de

apanaa cheharaa talaash karanaa hai

gar nahii.n aainaa to patthar de

band kaliyo.n ko chaahiye shabanam

in chiraaGon me.n roshanii bhar de

pattharo.n ke saro.n se karz utaar

is sadii ko koii payambar de

kah_kahon men guzar rahii hai hayaat

ab kisii din udaas bhii kar de

phir na kahanaa ke Khud_Khushii hai gunaah

aaj fursat hai faisalaa kar de

Ishq

....

Ghalib ka aik shair

Love You Till The End

O the clear-blue-sky
Tell me the reason why,
The world so heartless;
So tragic, it makes me cry,
Winter, summer, days and nights,
For all I have is meaningless.

Live with pains and worries; see
Cos lover went away from me;
Leaving me behind in the mid field,
In the rain beneath the dark night,
And far away with a running light;
Listen. With strong will; the wind has stilled.

O Lord! Living life without living;
My heart stops giving,
Breath is speechless and hopeless;
Please come back to me, my dear,
Waiting for thee right here, months and years;
Not tired, no regret cos you’re the brightness.