Mohabbat Kam Nahi Hogi

(Farhat Abbas Shah)

Mohabbat Kam Nahi Hogi

Tumhari Talkhiyon Se

Aur Tumhare Na-Tarashida Rawayyon Se

Tumhari Choti Choti Ranjishon Se

Aur Bari Narazgi Se Bhi

Mohabbat Kam Nahi Hogi

Tumhare Shehr Bhar Se Dil Laga Lene Ki Aadat Se

Tumhari Be-Wafai Se

Tumhari Be-Hisi Se Bhi

Mohabbat Kam Nahi Hogi

Anaa Ka Darmiyan Aa Kar

Kai Be-Saakhta Jazbey Achanak Maar Jane Se

Dilon Ko Zaat Par Se Waar Jane Se

Kisi Basti Mai Jaa Basne

Kisi Sehra Mai Rasta Bhool Jane

Ya Samandar Paar Jane Se

Mohabbat Kam Nahi Hogi

Kisi Ke Jeet Jane Se

Kisi Ke Haar Jane Se

Mohabbat Kam Nahi Hogi

Hazaron Dukh Paren Sehna Mohabbat Mar Nahi Sakti

(Wasi Shah)

Hazaron Dukh Paren Sehna Mohabbat Mar Nahi Sakti

Hai Tum Se Bas Yahi Kehna Mohabbat Mar Nahi Sakti

Tera Har Baar Mere Khat Ko Parhna Aur Ro Dena

Mera Har Baar Likh Dena Mohabbat Mar Nahi Sakti

Kiya Tha Hum Ne Campus Ki Nadi Par Ik Haseen Wada

Bhale Hum Ko Pare Marna Mohabbat Mar Nahi Sakti

Jahan Mai Jab Talak Panchi Chehekte Urte Phirte Hain

Hai Jab Tak Phool Ka Khilna Mohabbat Mar Nahi Sakti

Puraane Aihd Ko Jab Zinda Karne Ka Khayal Aaye

Mujhe Bas Itna Likh Dena Mohabbat Mar Nahi Sakti

Wo Tera Hijr Ki Shab Phone Rakhne Se Zara Pehle

Bohot Rote Hue Kehna Mohabbat Mar Nahi Sakti

Agar Hum Hasraton Ki Qabr Mai Hi Dafan Ho Jayen

To Yeh Katbon Pe Likh Dena Mohabbat Mar Nahi Sakti

Puraane Raabton Ko Phir Naye Waadey Ki Khuwahish Hai

Zara Ek Baar To Kehna Mohabbat Mar Nahi Sakti

Gaye Lamhaat Fursat Ke Kahan Se Dhondh Kar Laaon

Wo Pehron Haath Par Likhna Mohabbat Mar Nahi Sakti

Is Ghareebi Mai Guzara Nahi Hota Maula

(Farhat Abbas Shah)

Is Ghareebi Mai Guzara Nahi Hota Maula

Ghaib Se Koi Ishara Nahi Hota Maula

Mujh Ko Hijrat Ki Koi Raah Sujha Himmat De

Mujh Se Yeh Shehr Gawara Nahi Hota Maula

Jab Mai Ghar Jata Hun Amboh-E-Masaib Mai Kabhi

Tujh Bina Koi Sahara Nahi Hota Maula

Sochta Hun To Har Ik Simt Samandar Hi Miley

Dekhta Hun To Kinara Nahi Hota Maula

Kuch Na Kuch Phir Bhi Kami Rehti Hai

Chand Hota Hai Sitara Nahi Hota Maula

Na Tha Kuch To Khuda Tha, Kuch Na Hota To Khuda Hota

(Mirza Ghalib)

Na Tha Kuch To Khuda Tha, Kuch Na Hota To Khuda Hota
Duboya Mujh Ko Hone Ne, Na Hota Mai To Kiya Hota

Hua Jab Gham Se Yun Be’hiss To Gham Kiya Sar Ke Katne Ka
Na Hota Gar Judaa Tann Se To Zaanoo Par Dhara Hota

Hui Muddat Ke Ghalib Mar Gaya, Par Yaad Aata Hai
Wo Har Ik Baat Par Kehna Ke Yun Hota To Kiya Hota

Kitni Zulfen Khulein Kitne Aanchal Urre Chand Ko Kiya Khabar

Kitni Zulfen Khulein Kitne Aanchal Urre Chand Ko Kiya Khabar

Kitna Maatam Hua Kitne Aansu Bahe Chand Ko Kiya Khabar

Muddaton Us Ki Khuwahish Mai Chalte Rahe Haath Aata Nahi

Chah Mai Is Ki Pairon Mai Hain Aablay Chand Ko Kiya Khabar

Wo Jo Nikla Nahi To Bhatakte Rahe Hain Musafir Kai

Aur Lut’te Rahe Hain Kai Qaaflay Chand Ko Kiya Khabar

Wo To Apni Nagri Mai Madhosh Hai Kab Se Khamosh Hai

Kon Raja Bana Kitne Syed Lutey Chand Ko Kiya Khabar

Is Ko Daawa Bohot Meethe-Pan Ka Wasi Chandni Se Kaho

Is Ki Kiranon Se Kitne Hi Ghar Jal Gaye Chand Ko Kiya Khabar



(Wasi Shah)

Mimi's bookshelf: read












More of Mimi's books »

When Time Runs Out

When time runs out and your heart needs to say so much more
But the heart that should hear it is gone now forever
And you are left with a raw nagging sore.

Then reach for your paper, your pen and your candle
And write though your heart it would burst.
No fears now restrain you; no judgment; no mock;
Write of your best, of your worst.

When your soul is then drained of its deepest regret
Then hold your true paper to the candle's clear flame
That thought-laden smoke might reach to that heart
And ashes, a symbol of love, yet remain.