Itna toota hoon ki choonay say bikhar jaaoonga,

Itna toota hoon ki choonay say bikhar jaaoonga,
Ab agar aur dua dogay to mar jaaoonga !


Pooch kar mera pata, waqt ra-e-gah na karo,
Main to banjara hoon, kya jaanay kidhar jaaoonga !


Har taraf dhund hai, jugnu hai na charag koi,
Kaun pehchanayga, basti mein agar jaaoonga !


Zindagi, main bhi musaafir hoon teri kashti ka,
Tu jahan mujh say kahegi main utar jaaoonga !


Phool rah jayeengay guldaan mein yaadon ki nazar,
Main to khushboo hoon phizaon mein bikhar jaaoonga !

mujhe apne zabt pe naaz tha, sar-e bazm raat ye kiya howa

mujhe apne zabt pe naaz tha, sar-e bazm raat ye kiya howa
meri aankh kaise chalak gai, mujhe ranj hay ye bura howa

meri zindagi k charagh ka ye mizaaj koi naya nahi
abhi roshni abhi teergi, na jala howa na bujha howa

mujhe jo bhi dushman-e jaa.n mila, wohi pukhta kaar-e jafa mila
na kisi ki zarb ghalat pari na kisi ka teer khata howa

mujhe aap kiyu na samajh sake, kabhi apne dill sey bhi pocheye
neri dastaan-e hayaat ka tu waraq waraq hay khula howa

jo nazar bacha k guzar gay merey saamne sey abhi abhi
ye mery hi shehr k log they, merey ghar sey ghar hay milaa howa

humain is ka koi bhi huq nahi k shareek-e bazm-e kholoos hon
na humarey paas naqaab hay, na kuch aastee.n main chupa howa

merey aik gosha-e fik'r main, meri zindagi sey aziz tar
mera aik aisa bhi dost hay, jo kabhi mila na juda howa

mujhe ik gali main para howa, kisi badnaseeb ka khat mila
kahee.n khoon-e dill sey likha howa, kahee.n ansoo.n sey mita howa

mujhe hum-safar bhi mila koi tu shikasta haal meri tarha
kai manziloo.n ka thaka howa, kahee.n raaste main luta howa

humain apney ghar sey chaley howe, sar-e raah um'r guzar gaii
koi justuju ka sila mila, na safar ka huq hi ada howa

Zoq--E-Aawargi Mein Bayabaan Dhoondtey Hain

Zoq--E-Aawargi Mein Bayabaan Dhoondtey Hain
Beemaar-E-Ishq Dasht Mein Darmaan Dhoondtey Hain

Hum Bhi Musafir Thay Sitaaron Ke Saath Saath
Aisi Chaayi Ghatta Ke Aasmaan Dhoondtey Hain

Tark-E-Ta'aluq Ke Baad Tanhai Say Ghabra Kar
Rujoo Ke Liye Phir Imkaan Dhoondtey Hain

Farishtey Jiss Ke Ahtraam Mein Nazrein Jhukatey Thay
Aaj Woh Bazaaron Main Shaitaan Dhoondtey Hain

Gum Ho Gaye Shehar Ki Bheerr Mein Magar
Nahin Mila, Aadmiyon Mein Insaan Dhoondtey Hain

Zaeef Tamanaon Ko Dafnaya Tha Dil Mein
Issi Qabar Ke Hum Nishaan Dhoondtey Hain

Shehar Ke Khudaon Ka Hai Ghazab Ghazabnaak
Moonh Mein Hum Bolti Zabaan Dhoondtey Hain

Shab Ke Kaaley Saaye Mein Yaadon Ke Charaag
Jala Ke Aamed-E-Sehar Ka Samaan Dhoondtey Hain

Aandhiyan Ley Gayeen Urra Kar Aashiyana 'Tanha'
Gard-E-Rawaan Mein Be-jaa Aashiyaan Dhoondtey Hain ...!!

talkhi hai words may ya sirf mujhay aisa laga

Kuch Idhar Baaqi Na Kuch Bhi To Udhar Baaqi Raha
Baarishein Jiss Ghar Mein Barseen Aik Ghar Baaqi Raha

Aandhiyan Kuch Ley Urreen Dafna Gayeen Kuch Rait Mein
Khoon Aalooda Qafas Mein Aik Par Baaqi Raha

Mairi Fitrat Mein Nahin Ye Baat Meer-E-Kaarwaan
Har Qadam Par Poochna Kitna Safar Baaqi Raha

Dey Gaya Kuch Khoon Ke Aansoo Hi Sooraj Iss Tarah
Raat Ki Chadar Pay Bhi Rang-E-Sehar Baaqi Raha

Main Jahan Baitthoon Bana Leta Hoon Ikk Tasveer To
Loottney Waaley Maira Ye To Hunar Baaqi Raha

Ro Rahi Hai Ikk Janaazey Par Abhi Tak Kayanaat
Zehar-E-Qaatil Ka Dilon Par Woh Asar Baaqi Raha

Mitt Gaye Tujh Ko Mittaaney Ke Liye Aaye Jo Log
Raakab Nok-E-Sanaan Tera Hi Sar Baaqi Raha

Teri Qismat Ki Sabhi Lakeerein Mitt Gayi 'Tanha'
Zakham Ka Lekin Nishaan Ikk Haath Par Baaqi Raha ....!!

Lafzon Mein Dhaal Dhaal Ke, Main Haadsaat Ko

Lafzon Mein Dhaal Dhaal Ke, Main Haadsaat Ko
Tarteeb Dey Raha Hoon Kitaab-E-Hayaat Ko

Maira Khuloos Paaon Ki Zanjeer Ban Gaya
Mairey Badan Mein Dafan Karo Mairi Zaat Ko

Har Aadmi Ka Naama-E-Aamaal Hai Siyaah
Kiss Ke Huzoor Paish Karoon Kaagzaat Ko

Woh Shaks Mairay Halqa-E-Ehbaab Mein Raha
Lekin Samajh Saka Na Mairi Nafsiyaat Ko

Gar Tum Mairay Shareek-E-Safar Ho To Saath Do
Aao Galey Lagayein Gham-E-Qainaat Ko ...!!

kyon hijr ke shikave karataa hai kyon dard ke rone rotaa hai

kyon hijr ke shikave karataa hai kyon dard ke rone rotaa hai
ab ishq kiyaa hai to sabr bhii kar is men to yahii kuchh hotaa hai

aaGaaz-e-musiibat hotaa hai apane hii dil kii sharaarat se
aaNkhon men phuul khilaataa hai talavon men kaaNTen botaa hai

ahabaab kaa shikavaa kyaa kiijiye Khud zaahir va baatin ek nahiin
lab uupar uupar haNsate hain dil andar andar rotaa hai

mallaahon ko ilzaam naa do tum saahil vaale kyaa jaanon
ye tuufaan kaun uThaataa hai ye kishtii kaun Dubotaa hai


kyaa jaane kyaa ye khoyegaa kyaa jaane kyaa ye paayegaa
mandir kaa pujaarii jaagataa hai masjid kaa namaazii sotaa hai

ai jazbaa-e-dil gar mai.n chaahuu.N har chiiz muqaabil aa jaaye

Behzad Lucknawi

ai jazbaa-e-dil gar mai.n chaahuu.N har chiiz muqaabil aa jaaye
ma.nzil ke liye do gaam chaluu.N aur saamane ma.nzil aa jaaye

ai dil kii Khalish chal yuu.N hii sahii, chalataa to huu.N unakii mahafil me.n
us vaqt mujhe chau.nkaa denaa jab rang pe mahafil aa jaaye

ai rahabar-e-kaamil chalane ko tayyaar to huu.N par yaad rahe
us vaqt mujhe bhaTakaa denaa jab saamane ma.nzil aa jaaye

haa.N yaad mujhe tum kar lenaa aavaaz mujhe tum de lenaa
is raah-e-muhabbat me.n koii darapaish jo mushkil aa jaaye

ab kyuu.N Dhuu.NDhuu vo chashm-e-karam hone de sitam balaa-e-sitam
mai.n chaahataa huu.N ai jazbaa-e-Gam mushkil pas-e-mushkil aa jaaye

is jazb-e-dil ke baare me.n ik mashvaraa tum se letaa huu.N
us vaqt mujhe kyaa laazim hai jab tujh pe meraa dil aa jaaye

ai barq-e-tajalli kyaa tuune mujhako bhii muusaa samajhaa hai
mai.n tuur nahii.n jo jal jaauu.N jo chaahe muqaabil aa jaaye