Woh Kuch Suntaa Tou Mein Kehtaa, Mujhe Kuch Aur Kehnaa Thaa

Woh Kuch Suntaa Tou Mein Kehtaa, Mujhe Kuch Aur Kehnaa Thaa
Woh Pal Bhar Koo Jo Ruk Jaata, Mujhe Kuch Aur Kehnaa Thaa
Ghalat Fehmi Ney Baatoon Koo Barhaa Daalaa Younhi Wernaa
Kaha Kuch Thaa, Woh Kuch Samjhaa, Mujhe Kuch Aur Kehnaa Thaa
Kamaai Zindagi Bhar Ki Ussi Kay Naam Kyun Kar Di
Mujhe Kuch Aur Karnaa Thaa, Mujhe Kuch Aur Kehnaa Thaa
Kahaan Uss Ney Suni, Meri Suni Bhi An-Suni Kar Di
Ussay Maloom Thaa Itnaa, Mujhe Kuch Aur Kehnaa Thaa
Mere Dil Mein Joo Darr Aaya, Koi Mujh Mein Bhi Der Aaya
Wahien Ek Raabtaa Toota, Mujhe Kuch Aur Kehnaa Thaa
Rawaan Thaa Pyar Nas Nas Mein, Bohuat Kurbat Thi Aapas Mein
Ussay Kuch Aur Sun-nanaa Thaa, Mujhe Kuch Aur Kehnaa Thaa

Ab kis kaa jashn manaate ho

Ab kis kaa jashn manaate ho

Ab kis kaa jashn manaate ho us des kaa jo taqsiim huaa
ab kis ke giit sunaate ho us tan-man kaa jo do-niim huaa
us Khvaab kaa jo rezaa rezaa un aankhon kii taqadiir huaa
us naam kaa jo Tukadaa Tukadaa galiyon mein be-tauqiir huaa
us parcham kaa jis kii hurmat baazaaron mein niilaam huii
us mittii kaa jis kii hurmat mansuub uduu ke naam huii
us jang ko jo tum haar chuke us rasm kaa jo jaarii bhii nahiin
us zaKhm kaa jo siine pe na thaa us jaan kaa jo vaarii bhii nahiin
us Khuun kaa jo bad qismat thaa raahon men bahaayaa tan mein rahaa
us phuul kaa jo beqiimat thaa aangan mein khilaa yaa ban mein rahaa
us mashriq kaa jis ko tum ne neze kii anii marham samajhaa
us magarib kaa jis ko tum ne jitana bhii luutaa kam samajhaa
un maasuumon kaa jin ke lahuu se tum ne farozaan raatein kiin
yaa un mazaluumon kaa jis se Khanjar kii zubaan mein baatein kiin
us mariyam kaa jis kii iffat luTatii hai bhare baazaaron mein
us iisaa kaa jo qaatil hai aur shaamil hai GamKhvaaron mein
in nauhaagaron kaa jin ne hamein Khud qatl kiyaa Khud rote hain
aise bhii kahiin dam saaz hue aise jallaad bhii hote hain
un bhuuke nange Dhaanchon kaa jo raqs sar-e-baazaar karen
yaa un zaalim qazzaaqon kaa jo bhes badal kar vaar karein
yaa un Jhuute iqaraaron kaa jo aaj talak aifaa na hue
yaa un bebas laachaaron kaa jo aur bhii dukh kaa nishaanaa hue
is shaahii kaa jo dast-ba-dast aaii hai tumhaare hisse mein
kyon nang-e-vatan kii baat karo kyaa rakhaa hai is qisse mein
aankhon men chhupaaye ashkon ko honthon mein vafaa ke bol liye
is jashn mein bhii shaamil huun nauhon se bharaa kashkol liye

In the dead of night, a Sufi began to weep.

In the dead of night, a Sufi began to weep.
He said, "This world is like a closed coffin, in which
We are shut and in which, through our ignorance,
We spend our lives in folly and desolation.
When Death comes to open the lid of the coffin,
Each one who has wings will fly off to Eternity,
But those without will remain locked in the coffin.
So, my friends, before the lid of this coffin is taken off,
Do all you can to become a bird of the Way to God;
Do all you can to develop your wings and your feathers."

Kabhi ae haqeeqat E muntazar nazar aa libaas E majaaz meN

Kabhi ae haqeeqat E muntazar nazar aa libaas E majaaz meN


K hazaaroN sajday taRap rahay haiN meri jabeen E neyaaz meN


Tarab aashnaa-E-kharosh ho, to nawaa-E-mahram E gosh ho


Wo suror kya K chupa hua ho sukoot E parda E saaz meN


Tu bacha bacha ke na rakh ise, tera aa-i-naa hai wo aa-i-naa


K shikastaa ho to azeez tar hai nigaah E aa-i-naa saaz meN


Dam E tauf E kirmak E sham’a ne yeh kaha K ab woh asar kahaaN


Na teree hikayat E soz meN, na meri hadees E gudaaz meN


Na kahiN jahaaN meN amaaN mili, jo amaaN mili to kahaaN mili


Mere jurm E khaanaa kharaab ko tere ‘afw E bandaa nawaaz meN


Na woh ishq meN rahiN garmiyaaN, na wo husn meN rahiN shokhiyaaN


Na woh Ghaznavi meN taRap rahi, na woh Kham hai zulf E Ayaz meN


Jo maiN sar-ba-sajdaa hua kabhi, to zameeN se aane lagi sadaa


Tera dil to hai sanam aashna, tujhe kya milega Namaaz meN

kal chaudhavii.n kii raat thii shab bhar rahaa chacha tera

kal chaudhavii.n kii raat thii shab bhar rahaa charchaa teraa
kuchh ne kahaa ye chaa.Nd hai kuchh ne kahaa cheharaa teraa

ham bhii vahii.n maujuud the ham se bhii sab puuchhaa kiye
ham ha.Ns diye ham chup rahe manzuur thaa pardaa teraa

is shahar me.n kis se mile.n ham se to chhuuTii mahafile.n
har shaKhs teraa naam le har shaKhs diivaanaa teraa

kuuche ko tere chho.D kar jogii hii ban jaaye.n magar
jangal tere parbat tere bastii terii saharaa teraa

ham aur rasm-e-bandagii aashuftagii uftaadagii
ehasaan hai kyaa kyaa teraa ai husn-e-beparvaa teraa

do ashk jaane kis liye palko.n pe aa kar Tik gaye
altaaf kii baarish terii ikraam kaa dariyaa teraa

ai bedaareG-o-be_amaa.N ham ne kabhii kii hai fuGaa.N
ham ko terii vahashat sahii ham ko sahii saudaa teraa

tuu bevafaa tuu maharabaa.N ham aur tujh se bad-gumaa.N
ham ne to puuchhaa thaa zaraa ye vaqt kyuu.N Thaharaa teraa

ham par ye saKhtii kii nazar ham hai.n faqiir-e-rah_guzar
rastaa kabhii rokaa teraa daaman kabhii thaamaa teraa

haa.N haa.N terii suurat hasii.n lekin tuu aisaa bhii nahii.n
is shaKhs ke ashaar se shoharaa huaa kyaa kyaa teraa

beshak usii kaa dosh hai kahataa nahii.n Khaamosh hai
tuu aap kar aisii davaa biimaar ho achchhaa teraa

bedard sunanii ho to chal kahataa hai kyaa achchhii Gazal
aashiq teraa rusavaa teraa shaayar teraa "Inshaa" teraa

Dekhaa hua sa kuchh hai to sochaa hua sa kuchh

Dekhaa hua sa kuchh hai to sochaa hua sa kuchh


Har waqt mere saath hai uljhaa hua sa kuchh


Hotaa hai yuuN bhii raastaa khultaa nahiN kahiN


Jangal sa phail jaataa hai khoyaa hua sa kuchh


Saahil kii geelii ret pe bachchoN ke khel saa


Har lamhaa mujh meN bantaa bikhartaa hua sa kuchh


Fursat ne aaj ghar ko sajaayaa kuchh is tarah


Har shay se muskuraataa hai rotaa hua sa kuchh


DhuNdhlii sii ek yaad, kisii qabr kaa diyaa


Aur mere aas paas chamkataa hua sa kuchh

Yaadon Ka Ek Jhonka Aya Humse Milne Barson Baad,

Yaadon Ka Ek Jhonka Aya Humse Milne Barson Baad,
Pehle Itna Roye Nahi The Jitna Roye Barson Baad,

Lamha Lamha Ghar Ujda Hai Mushkil Se Ehsaas Hua,
Pathar Aaye Barso Pehle Sheeshe Toote Barso Baad,

Aaj Hamari Khaak Pe Duniay Rone Dhone Baithi Hai,
Phol Hue Kitne Sastejaane Kitne Barso Baad,

Bhool Bhi Jao Kisne Toda Kiase Toda Aur Kyon Toda,
Dhond Rahe Ho Galiyon Mein Kya Dilke Tukde Barson Baad,

Dastak Ki Ummid Laga Kar Kab Tak Yun Hi Jeete Hum,
Kal Ka Waada Karne Wale Milne Aaye Barson Baad...